Rime diverse in lengua zeneise/Za con garie a scorre ri levanti

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
Za con garie a scorre ri levanti
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
[p. 30r modifica]

Za con garie a scorre ri levanti
Come da Zena in villa se n'andamo
E schiavi d'ogni sorte chi portamo
E simitarre, giuppe, e gren turbanti

E Sudarij, e Schele, e Corpi santi,
E citté lonzi un mondo ancon piggiamo,
E carreghi de preiza a ca tornamo
E d'honó grande con garie avanti.

Ma perdemo oura noi senza garie
L'antiga nostra groria, e fama chiera
E nave, e terre ancora ghe lassemo.

Ni bastemo a guardá ro nostro chie
Non che a piggiá dre terre fin in Pera
Se a fá garie ancora no tornemo

Fane donca assé demo
Che roba, vitta, honó, regni, e citté
E ogni cosa ne guardan legni té.

Ma ri paraxi orné
Che a Zena, e in villa femo con gren torre
No puon quando conven Zena soccorre

Che stan li, ni puon corre,
E un bon sarvum me fac per noi son
Re garie chi fuze, e cazzá puon.