Rime diverse in lengua zeneise/L'inzegno noi Zeneixi hemo si fin
| ←Como intra veggia intré ri foenti son | Rime diverse in lengua zeneise de L'inzegno noi Zeneixi hemo si fin |
Za con garie a scorre ri levanti→ |
| acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica |
L'inzegno noi Zeneixi hemo si fin
Che sun scoggij peré donde nascemo
No soramenti ben se governemo
Como fan re patelle, gritte, e zin.
Ma ganofani, roeze, e giasemin
D'uverno sun sti scoggij nasce fem o
Tanto che mazo eterno chi vegghemo
Si ben sun prie samo fa giardin.
E con l'arte vensemo ra natura
Perchè no soramenti frutte e scioí
Nasce d'ogni saxon fassemo chie,
Ma tant'oro ghe femo nasce noí
Ch'incagá ne porreimo ra chianura
Se a Zena no mancasse so ben mie.
Che se ben su re prie.
Ri pareixi terrestri se fassemo
Chiù l'erboro dra vitta noi no gh'hemo
Ni fase immorté poemo.
Senza est'erboro bon chi son garie
Ni fruti chiu d'honó cuggiemo chie
Perch'oura chì, e lie,
No semenemo como za virtue
E però fama no acuggiemo chiue.