Rime diverse in lengua zeneise/Como diavo desgroperò moé
| ←Quando lagreme, e perle l'atro giorno | Rime diverse in lengua zeneise de Como diavo desgroperò moé |
A torto dro cé, Minna, ve dorei→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Como diavo desgroperò moé
Dre vostre trezze quello groppo chian
Donde m'havei ligao de vostra man
Si ben che moé chiu spero liberté.
Perche non solo tutto m'agropé
Quando este trezze incortigié ve stan,
Ma quando per re spalle zù ve van
Ancon me ligan, così deslighé.
Ma ligheme pù ben con ro coazzo
E no me deslighé fin a ra morte
Che solo hò liberté d'entr'esto lazzo.
E quanto chiù strenzei de bonna sorte
Chiu desgroppá me sento con sorazzo,
Si che se m'amé, Minna, strenzei forte.