 |
Questa pagina a no l'è stæta corretta. | |
Sò che ancon ghe faressi ra meixinna.
Quando lagreme, e perle l'atro giorno
V'inscivan Minna da i oggi divin,
Chi bagnavan re rose, e giasemin,
Dro vostro viso dond'è mazo adorno.
Amò ve stava svoratando intorno
E dro lago che favi crestalin
Inscì questo pissié fava firin,
Chi me bruxavan, como legne in forno.
Cagna (dissi) se quando chiove forte
Da ri vostri oggi si bruxá me sento,
Che sarà puo como ro só ghe luxe.
E per mem[sic] má me missi a fuze forte
Ma correndo a ro fuogo fei tá vento,
Che chiu l'acceisi, e chiu conven che bruxe.
Como diavo desgroperò moé
Dre vostre trezze quello groppo chian
Donde m'havei ligao de vostra man
Si ben che moé chiu spero liberté.
Perche non solo tutto m'agropé
Quando este trezze incortigié ve stan,
Ma quando per re spalle zù ve van
Ancon me ligan, così deslighé.
Ma ligheme pù ben con ro coazzo
