Rime diverse in lengua zeneise/A ro mesmo
| ←A ro Segnó Don Zane d'Austria | Rime diverse in lengua zeneise de A ro Segnó Don Zane d'Austria |
A ro Segnó de Monego.→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Su ra chiu bella sció dra vostra eté
Duxento asseme havei piggiao garie
De Turchi chi arrobavan chì, e lie
Nave de Crestien, regni e citté.
Ni basta a voi de havei ri chen lighé
Che noi atri incheiné Don Zane assie
Con re chenne dre vostre cortexie
Re qué son dose chiu dra liberté.
E Rè feto ve sei d’ogni cuo nostro,
Perchè non solo fé de i homi acquisto
Chi pon parlave, e veive da tutt’hora.
Ma dra bellezza, gratia, e senno vostro
Re gente ancon lighé chi no v’han visto
Como per fama l’homo s’innamora.