Rime diverse in lengua zeneise/A ro Segnó Don Zane d'Austria

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
A ro Segnó Don Zane d'Austria
acento grave = vocale curta - acento aguçço = vocale longa
clicca o nummero da paggina pe 'n rafronto co-a transcriçion diplomattica
[p. 4r modifica]
A ro Segnó Don Zane d'Austria.


Se ben ra lanna havei ben scarlassaou
E deto havei dre bastoné da chen
A questi chen chi n'adentan si ben
Chi ne favan tremá de fá baou baou.

Prima che re sò chiaghe aggian sanaou
De novo sbattuggiá ve ri conven
Perchè dre bastoné presto ri chen
Uzan guarí chi no ne tra ro sciaou

Trénero donca, e ro paeize c'han,
Chi è maou dro nostro assé, levéghe ancon
Perchè moé chiu mastin posse adentáne.

E suportá no dei ch'un Turco can
Dro sepolcro de quello sea patron
Chi morì su ra Croxe per sarváne.