Rime diverse in lengua zeneise/A ro Segnó de Monego.
| ←A ro mesmo | Rime diverse in lengua zeneise de A ro Segnó de Monego. |
Da Minna in fuera, chi me vè per Dé→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Se ben no havei ro mondo scorratao
Come i vostri zeneixi, o Segnó mé
Che como moneghetta in monesté
Quasi a Monego sté sempre serrao.
Ro vostro nome fo sempre Honorao
Perche a Monego chioso, o no sta lé,
Ma svoera su per su, da ca de Dé
Si che sotta ogni nome o s'ha lasciao.
Che se ro Corpo Monego ne serra
Serrane o no puo zà ro nome vostro
Che no ro puo capí l'egua, e ra terra.
E però, o s'asa fin a l'ato chiostro
Ni a rubatton mué chiomba zu per terra:
Che no ghe basta questo mondo nostro.
Non che Monego vostro
Ro qua per vui semeggia un bon faná
Che ancora chiosso lume n'usa fá.
Che za nome havei tá
Che ancon che in casa sempre ve ne sté
Egua, cé, terra, e má vui scoviggié.