Rime diverse in lengua zeneise/Da Minna in fuera, chi me vè per Dé

by Poro Foggetta

←A ro Segnó de Monego.

Rime diverse in lengua zeneise de Poro Foggetta Da Minna in fuera, chi me vè per Dé

Quando lagreme, e perle l'atro giorno→

acento grave = vocale curta - acento aguçço = vocale longa
clicca o nummero da paggina pe 'n rafronto co-a transcriçion diplomattica

Da Minna in fuera, chi me vè per Dé
Dixe che per trei giorni n'hò chiu sciao,
E che de vita ghe puero passao
Perche giano me ven como un garbé.

Se veggo Minna, e visto son da lé
Son rosso, e fresco como un boreao,
Perche dai oggi sò resto sanao,
E de chì ven ch'a no crè ro má mé.

Minna arraggiá chi me passé ro cuo
E pertuzé como una grateirinna,
Ni me lascié mostrá, ro sò ma fuo.

Che se ro vissi seme, ra mé Minna
Così como ponzei donde me duo,

Sò che ancon ghe faressi ra meixinna.