O Cicciollâ 1930/Ratto Sonetto
| ←Sonetto | O Cicciollâ de Sonetto de Zan'Aostin Ratto |
A-o Bambinetto→ |
| lasciòu inalterâ a grafia do "Cicciollâ". |
Sonetto
Voi, Giacomo Piccon, che sei cazann-a
De Messè Apollo, che parlae in toscan
Comme un Petrarca e che porrei unn-a pann-a
Piggià a e Muse, voi de Soliman
Cantae, con rimme, megio che de Sann-a,
Che insbarlugao da Amò, ancoeu o diman,
A una figgia ciù bella che Diann-a
O porze (oh! che piaxei) o c[o]eu e a man.
Mi, se savesse, ascì faiè gazaea
E dieiva anche mi unn-a cantilena:
Ma cose scrive, degno da scià Ciaea,
Con lengua da pescoi e da camalli,
Che, se parlo latin, grego o de Zena,
Digo cose da sciaffi e da cavalli?