O Cicciollâ 1930/Piccon Sonetto
| ←Egloga Pescatoria | O Cicciollâ de Sonetto de Giaccomo Piccon |
Sonetto→ |
| lasciòu inalterâ a grafia do "Cicciollâ". |
Sonetto
- Scio Ratto, voi che sei brava cazann-a
Pe fa versci in latin, grego e toscan,
Faeme o piaxei (ve piggiò unn-a pann-a),
Faene doi pe a Corsetta e Soliman.
Ma i vorrieva in vorgà nostro de Sann-a,
E presto, fito, pe ancoeu o diman:
Sei amigo d’Apollo e de Diann-a
Che, manco dïo, se ve daan man.
Me pa’ ben giusto un poco de gazaea
E che d’accordio femmo a cantilena
De nosse de Tognin con a scia Ciaea.
O saccian tutti e perscin i camalli
Che, se unn-a votta un gh’e n’è staeto in Zena,
A çittae nostra ancon l’à i so Cavalli.