Esopo Zeneize 1822/A Pegoa, e o Can

by Martin Piaggio

←L'Erboo de Röve, e o Costo de Mêli

Esopo Zeneize de Martin Piaggio A Pegoa, e o Can

A Sigaa, e a Formigoa→

Zena, Stampaja Pagan, 1822 - Primma ediçion
${\widehat {eu}}$ e ${\widehat {ou}}$ en stæti reixi con êu e ôu.
In notta e diferençe co' l'ediçion do 1846.

FOA XVI.
A Pegoa, e o Can.

Un-na Pegoa, e un Can barbin,
Boin amixi da piccin,
Frà de lô stavan contandose
Con magon, e lamentandose
Da so vitta disgraziâ
Ch’ean costreiti de passâ;

Disse a Pegoa: Ah cao Barbin!
De pensâ a-o nostro destin
Me ven mâ, me sento moî!
Ti riduto a ben servî
L’ommo ingrato, de leccâlo,
Fâghe a guardia, e accompagnâlo,
Ch’o te paga a fedeltæ
Poi co-a famme, e co-e bacchæ;
Mi, che o vesto ogni pittin,
Che ghe daggo o mæ tettin,
O no scanna quando vêu,
E se mangia i mæ figgiêu!
Travaggiâ sempre, e patî
Pei sò comodi, e poi moî!
Ah! o l’è un perfido destin!

Scì, l’è veo, disse o Barbin,
Ma ti creddi, che i autoî
De miseîe, che patimmo,

Gödan forse ciù che noî?
Ah nò, caa, dunque soffrimmo,
Che l'è megio, mi me pâ,
De soffrî, che de fâ mâ.