Chittarin zeneize 1881/503 Sunetto

by Martin Piaggio

←Sunetto

Chittarin zeneize de Martin Piaggio Sunetto - a-a Carla Bassi Manno

Ringraçiamento→

a-a contrato Carla Bassi Manno, 1826.
imitaçion de questo sunetto do Cavallo

SÛNETTO ¹

Lavâ a testa a-o sciô Làzao,² stâ a scigoâ
Quando i cavalli n'han voentæ de beive,
Aspëtâ che cö sô se giasse a neive,
Mettise a pestâ l’ægua in to mortâ;

Portâ e legne in ti boschi e l'ægua a-o mâ,
O vento in t’ûn crivello voeì riçeive,
De mëza stæ dexiderâ che neive,
Pretende fâ sens’êuve ûnn-a frïtâ;

Semenâ in ti rissêu, dell’ægua acchêugge
In t’ûn cavagno e voeì sperà de veì
Dexembre verde e mazzo sensa fêugge;

L’é comme mi pretende aoa de voeì
Tûtto o ghìndao di meriti desghêugge
Da Bassi, chi ne da tanto piaxeì.