 |
Questa pagina a no l'è stæta corretta. | |
SÛNETTO 1
Lavâ a testa a-o sciô Làzao,2 stâ a scigoâ
Quando i cavalli n'han voentæ de beive,
Aspëtâ che cö sô se giasse a neive,
Mettise a pestâ l’ægua in to mortâ;
Portâ e legne in ti boschi e l'ægua a-o mâ,
O vento in t’ûn crivello voeì riçeive,
De mëza stæ dexiderâ che neive,
Pretende fâ sens’êuve ûnn-a frïtâ;
Semenâ in ti rissêu, dell’ægua acchêugge
In t’ûn cavagno e voeì sperà de veì
Dexembre verde e mazzo sensa fêugge;
L’é comme mi pretende aoa de voeì
Tûtto o ghìndao di meriti desghêugge
Da Bassi, chi ne da tanto piaxeì.
