Çittara zeneize/Rimme servî/Lavâ ra testa a l’aze; scigorâ
| ←Me pâ che cazze in pê comme ri gatti | Çittara zeneize - Rimme servî de Lavâ ra testa a l’aze; scigorâ |
Ra mæ bella Zaniña→ |
| Zena, Franchello, 1745 notte do Prien |
XII.
Lavâ ra testa a l’aze; scigorâ,
Quando ri bœu n’han vorentǽ de beive;
Aspetâ che a ro Sô cresce ra neive;
Mettese a pestâ l’ægua int'ro mortâ;
Portâ legne a ri boschi, ægua a ro mâ:
Ro vento in ræ’ sperâ de poei reçeive;
A meza stǽ desiderâ che neive;
Vorei senç’are mettese a sgorâ;
Semenâ ne l’areña; l’ægua accœugge
In cavagno ò panê; sperâ de vei
L’uverno verde, e Mazzo senza fœugge;
L'è comme ro sperâ, mæ cœu, d’avei
Da ra nostra Zaniña atro che dœugge;
Chi è nasciua per no dâne un piaxei.