Chittarin zeneize 1881/485 Sunetto

by Martin Piaggio

←Sunetto

Chittarin zeneize de Martin Piaggio Sunetto - a-a Luçia Rinada

Sunetto→

a-a primma balæña Luçia Rinada pi-a so benefiçiata a-o tiatro da Sant'Aostin do 1821

SUNETTO ¹

Brava, Rinaldi, bello pestûmmin,
Ti ê fæta apposta per ballâ, in veitæ,
A-e ciù brave ti levi o presûmin,
Che in faccia tò no vän ciù duî dinæ.

Che se vaddan a asconde, per caitæ,
O per piaxeì inségnighe ûn pittin;
Lö son brave in ti sò domeneghæ;²
Ti brava in tûtto e sensa avei morbin ³.

Dove ti hæ destannôu tanti gaibetti,
Quella grazia, giûstessa e precision,
E tanti zêughi d’ægua e rebighetti?

Ti me pæ ûn pastiççetto da boccon;
Ti dipinzi co-i pê, ti fæ pissetti... ⁴
Ah! che Lûçiette poche ghe ne son.