Chittarin zeneize 1881/483 Sunetto

by Martin Piaggio

←Sunetto

Chittarin zeneize de Martin Piaggio Sunetto - a-a Rozamonda Pizaroña

Sunetto→

a-a Rozamonda Pizaroña contrato a-o tiatro da Sant'Aostin into carlevâ do 1826

SÛNETTO ¹

Gente, no parpellæ! sitto, moscin!
Preparæve a cioccâ, finn-a i figgiêu,
Che a Pisaroni a sêunna o campanin
Do sò metallo ² chi va drito a-o chêu.

Questo ch’o l’é cantâ co-i frexettin!
Da sò voxe a ne fa quello ch’a vêu;
A g’ha in ta gôa di flauti e di violin,
Da ogni notta ghe sciorte ûn roscignêu!

Arte stûpenda, metodo eccellente,
Azion sûperba, franco scenezzâ,
Interessante, nobile, imponente;

Ma ûn sûnetto no basta per lödâ
Questa virtuosa in tûtto sorprendente,
Ché ûn grosso poema besêugnieiva fâ.