 |
Questa pagina a no l'è stæta corretta. | |
SÛNETTO 1
Gente, no parpellæ! sitto, moscin!
Preparæve a cioccâ, finn-a i figgiêu,
Che a Pisaroni a sêunna o campanin
Do sò metallo 2 chi va drito a-o chêu.
Questo ch’o l’é cantâ co-i frexettin!
Da sò voxe a ne fa quello ch’a vêu;
A g’ha in ta gôa di flauti e di violin,
Da ogni notta ghe sciorte ûn roscignêu!
Arte stûpenda, metodo eccellente,
Azion sûperba, franco scenezzâ,
Interessante, nobile, imponente;
Ma ûn sûnetto no basta per lödâ
Questa virtuosa in tûtto sorprendente,
Ché ûn grosso poema besêugnieiva fâ.
