Chittarin zeneize 1881/487 Sunetto

by Martin Piaggio

←Sunetto

Chittarin zeneize de Martin Piaggio Sunetto - a-a Luçieta Rinada

Sunetto→

a-a primma balæña Luçia Rinada, primaveja do 1822

SÛNETTO ¹

Vorrieívo fâ ûn sûnetto per Lûçietta,
Ma no so miga dove prinçipiâ;
Pochi versci no bastan per lödâ
De Tersicore a figgia prediletta.

Che se ghe levan tûtte de berretta,
Se a fa ûn sätetto pä che a vêugge sghêuâ;
A gïa comme l'Amô pe imbarlûgà,^[sic]
A tïa mille frecciæ co-a sò gambetta.

A l’ha ûn bello corpin fæto a pittûa,
Êuggi che parlan, grazia, sentimento,
Azion, fêugo, veitæ, arte, natûa.

Zovena comme l’ægua a l’é ûn portento,
A balla a fî de grann-a e in miniatûa:
Viva a Rinaldi ch’a vä lê per çento!