Bolle de savon/I nostri çinquant'anni

Da Wikivivàgna
Sata a-a navegassion Sata a-a serchia
Bolle de savon de Carlo Malinverni
I nostri çinquant'anni
www.liberliber.it 2011
[p. 23 modifica]
I nostri çinquant'anni

a tûtti i amixi da mae
maexima leva.


Mëzo secolo! - e pä vëi
ch'ëmo drento a ûnn-a fasciêua,
che s'andava allegri ä schêua,
che zûgavimo a-o scrollin. -

Vëgi amixi! - en messe dite,
a cûccagna a l'é finïa;
se n'é andaeto quarche vïa,
s'é streppôu quarche cantin.

Cinquant'anni! - se camminn-a
con prudensa, a mëzo trotto;
se stà lì a confëze o gotto,
ma, pe-o resto... addio vexin!

Vëgi amixi, a çinquant'anni
chi se mesccia co-e fadette,
o l'é ûn aze c'o se-o mette
da lê stesso in to stoppin

[p. 24 modifica]

Ma se ven che cazze l'eûjo
pe miracolo in sciä fava,
- diva ûn giorno a madonnava -
no mollala, Baciccin.

A morale a l'é che tempo
no l'é ciù de fa o bordello,
ma gödindo o bon e o bello,
se pêu ancon fâ do cammin. -