 |
Questa pagina a no l'è stæta corretta. | |
a tûtti i amixi da mae
maexima leva.
maexima leva.
Mëzo secolo! - e pä vëi
ch'ëmo drento a ûnn-a fasciêua,
che s'andava allegri ä schêua,
che zûgavimo a-o scrollin. -
Vëgi amixi! - en messe dite,
a cûccagna a l'é finïa;
se n'é andaeto quarche vïa,
s'é streppôu quarche cantin.
Cinquant'anni! - se camminn-a
con prudensa, a mëzo trotto;
se stà lì a confëze o gotto,
ma, pe-o resto... addio vexin!
Vëgi amixi, a çinquant'anni
chi se mesccia co-e fadette,
o l'é ûn aze c'o se-o mette
da lê stesso in to stoppin
23
