Bolle de savon/Ûn baxo
| ←I nostri çinquant'anni | Bolle de savon de Ûn baxo |
Panem nostrum...→ |
| www.liberliber.it 2011 |
(per ûnn-a premiazion scolastica)
Son chì mì cö fêugo addosso
e c'ûn fùrgao pe cavello;
e incomenso comme posso
a desghêugge o rûmescello
ma se fasso da caladda,
ma se fasso do rûmô,
ho ûnn-a puïa bûzzaradda
d'ëse cheita in bocca a-o lô.
Se mi devo parlâ sccetto
m'é ciù cäo ëse in giardin
a fä o pampano e o siassetto,
a zûgâ con di baedin....
«a l'é a rionda di coccolli,
«a conchetta recammâ,
«i çetroin sensa peigolli....»
aspëtaeme, a vaddo a fâ.
Cöse ho dito? - No fae caxo
de mae ciarle senza fî,
e veddieì che adaxo adaxo
finieì tûtti con capî
che o voeì mettise in dozenn-a,
comme dixe a madonnâ,
a sei anni a malapenn-a,
o l'é ûn fäse coggionâ.
Dunque? - scappo via, ma primma
vêuggio fave... vêuggio dî...
Piggio ûn baxo, ö metto in çimma
da mae man: - ecco, coscì....
poi ghe sciûscio:... baxo, vanni,
parla tì invece de mì....
Cäi scignori, a sei-sett'anni
no se parla che coscì!....