Berio m.r. II 1.6/O pascio/9
| ←8 | Berio m.r. II 1.6 - O pascio Como Christe si fo confortao da l'angero e como Iuda si vegne cun li Zuê per prenderlo. |
10→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
In questo se deuemo noi pensar, quando noi sostegniamo alcuna tribulacion, [e] quando noi auemo quarche tribulacion o infirmitai, o altra cossa como noi semo pacienti, Et questo quainte christe ell a sostegnuo per nostro amor. a pensar che quello chi era segnor de lo ciel, e della terra uegne a tanta misseria che conuegne che ello fosse comfortao da li angeli, quar e doncha quella persona, chi per lo amor de christe [non] debia uorei portar alcuna peina, certo nisun. Quando queste cosse fom compie, christe si se leua dalla oracion, e si retorna alli soi discipoli, e troua che elli dormiuan, e lantora ello li desuegia, et si li disse, Voi non auei possuo uegiar comeigo per lo mio amor una hora, leuaiue suxa tosto, che echa Iuda lo quar si me uen a prender, e dar in le mayn de li peccaoi. Veiue che ello non n a dormio, ma e staito più sollicito a uegiar per far lo traimento, che uoi non sei staiti a orar, e cossi como elli fon desuegiai & leuai suxa, veiue Iuda cun grandissimo tumolto de gente tuti cun arme spai e cun lanze e cun bastioin e cun lanterne. Et tuta quella gente si stauan da una parte ascoxamenti e lo fazo discipolo si ze inuer christe, como de zo non sauesse niente, e si desteixe le soe brace e si llo abraza, e possa si lo baxa per la bocha, e si ge disse dio te salue maistro ben possi tu star. Et lo segnor si gi respoxe cun grande humilitai, e ssi gi disse amigo, a che ei tu uegnuo. Et incontenente la gente che Iuda aueiua menao conseigo si corsen tuti adosso a christe cun grande remor, e christe si parla a quella gente e si gi disse, Segnoi chi demanda uoi, e queli si respoxen, noi si demandemo yhesu nazareno a chi se dixe christe. Et lantora christe si respoxe, e disse, segnoi e son quello, e quando ello aue cossi respoxo, quelli si caiten tuti quainti in terra, e si non fo alcun chi in li soi pei se poesse sostegnei. e lantora li discipoli si dissen a christe segnor uoi tu che noi li amacemo tuti quanti, e christe si li disse . no . Et lantora san piero si non ateixe alla responsion de christe, e mete man a uno so coltelo, e si feri son la testa a un de quelli, e si gi tagia la oregia. Et christe si respoxe, e disse, o piero aluoga lo to coltello e goardate che tu non tochassi zamai più nissun de coltello, che e te fazo assauei, che chi ferira de coltelo, de coltello sera ferio, penssate piero disse christe, che se me uoresse deffender non pensi tu che lo me paire me mandasse, piu de diexe legioin de angeli, ma e non uogio impaihiar la mia passion. Et lantora christe si preixe la oregia chi era taya e si lla retorna in la testa de quello a chi san piero l aueiua taya, e si ge la sana. Et ancora christe si disse ancora a li zue un altra fia, Segnoi chi demanda uoi, e quelli si se leuan de terra alla uoxe de christe, e ssi dissen ancora, noi si demandemo ihesu nazareno lo quar se ihama christe. Et ancora christe si respoxe, e ue digo che e son desso, e se uoi me demandai, lassai andar questi mei discipoli, imperzo che e romagno per elli. Et lantora quelli miseri acegai si preixen christe lo dolce agnello, e si llo ligan fortementi conio se ligan li layroin, e quando elli l auen cossi ligao, elli si corsen soura alli discipoli chi tuti eran futi, saruo san zoane, chi era fantin, e non poeiua correr, e inperzo fo preixo, e tegnuo per lo mantielo, ma ello si lassa lo mantiello in le lor main et ello si ne fuzi in gonella. Et uegando lo nostro segnor yhesu christe queste cosse si disse alli zue, cun grandissima humilitai, uoi si sei uegnui a prenderme cossi como fe fosse uno layron, per che non me prendeiui uoi quando e ue amaistraua continuamenti allo uostro tempio, ma e cognosso ben, che questa si e la uostra hora, e che aora auei poestai e possanza delle tenebre, Voi auei faito questo malle, che lo demonio chi e faito uostra guia si u a oscurai li nostri cor, e lla uostra mente in tar mainera, che uoi non poei sostegner la luxe della doctrina che ue dixeiua.