Berio m.r. II 1.6/O pascio/10
| ←9 | Berio m.r. II 1.6 - O pascio Como meser san Zoane si scampà dalle main delli Zuê, e si ze in la caxa della Vergen Maria cointando como so Figio era preixo. |
11→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando messe san zoane si fo partio dalle main delli zue, chi l aueiuan preixo, cossi despogiao como ello era, ello si ze alla caxa donde era la uergen maria, la quar staua in la compagnia della madareina, e delle altre marie et si bate la porta si stremio, e spauentao, e tuto pianzorento. Et quando la dona inteixe cossi pianzer a san zoane, tuta quanta si se spauenta & si se exmarri, e subito ella si se aregorda delle parole che christe aueiua dicte in la ceina como ello si deueiua esse tradio, e daito in le main delli zue, e como aueiua dito, a Simeon propheta in lo tempio, quando ella l aueiua prexentao, che ello gi disse, Madona questo to figio si e misso in grande ruina, e ssi sera misso quaxi, como lo segnar chi se mete allo bersagio a chi caschun fiere, e contradixe, e finarmenti questo to figio, si sera ferio de un ihiao, et de un coltello, lo quar strapasera la anima toa, e tute queste cosse la dona, si conseruaua in la soa mente, e si saueiua ben, che la scriptura non poeiua mentir, Si che ella era in grande spauento aspeitando che tute queste cosse se compissen, Et in per zo quando ella odi(r) la uoxe de san zoane, si respoxe, e disse, o figior zoane, che nouelle son queste, o dolce zoane, donde e lo to maistro. Et san zoane si respoxe, madona sapi per certo, che lo to figior si e preixo, e che Iuda uno delli discipolli si l a uenduo per .xxx. dinai alli zue, lo quar l am fortementi ligao, e ssi ne l an menao, e si non so donde elli sean andai.