Berio m.r. II 1.6/O pascio/11

←10

Berio m.r. II 1.6 - O pascio Como la Vergen Maria de dolor gi preixe una angossa, che ella caite in terra, e como ella fo revegnua demandà a san Zoane de so Figio.

12→

transcriçion do Pierenea Goarnê za pubricâ into Giornale Ligustico XX do 1893
tra parentexi quaddre s'azonze e tra parentexi rionde s'esponze, in corscivo e ligatue

Como la uergen maria de dolor gi preixe una angossa, che ella caite in terra, e como ella fo reuegnua demanda a san zoane de so figio.

Lantora si preixe alla dona uno dolor cun uno pianto si cruder, e ssi forte che ella non aueiua bairia, ni possanza che ella se poesse sosteguei son le gambe, ma ella cayte sun la terra quaxi morta, ni non aueiua uirtue de respomder a san zoane. Et lantora le done chi eran cun ella si lla releuan de la terra, e quando lo spirito gi fo reuegnuo, lantora si se sforza de parlar a san zoane digando, o figior me zoane, de per che caxon e stai preixo lo mio figior, ce che aueiua ello faito alli zue. za gi sanaua ello li lor maroti, e si gi resuscitaua li lor morti, e za non n e uxanza che se renda mal per ben. o figior zoane, donde eran li discipoli, quando lo mio figior fo preixo, oime tapina mi, non era alchun chi lo aiasse, o chi lo scampasse da le lor main. Et san zoane respondea, sapi madona, che tuti li discipoli se ne fuzin, quando lo nostro maistro fo preixo, e che l un non aspeitaua l altro. Et lantor la dona si pianzeiua cun grandi sospiri lamentandosse e digando, o docissimo fijor ogni persona si t a habandonao, donde ei tu piero, chi prometeiui de morir auanti che te abandonasse, e aora si l ai perduo e si t e staito cossi leuao. In apresso si dixeiva o Iuda figior crudelissimo, como tu ai mar meritao allo me figior chi t aueiua perdonao de lo peccao de la morte de to paire, e tu fazo disciporo si l ai procurao de dargi la morte. Oyme dolenta tu non achatasti cossi charo questo meo figio como mi, chi son quella che lo portai noue meixi in lo mio corpo, e si lo laitai cum lo me proprio layte, e cun grande affano lo norigai, e ti per trenta dinai si l ai uenduo e daito per cossi uil prexio como son xxx dinai. Apresso a queste parole si se leua la dona, et insi della caxa, e aprouo a ella si ze la madareina e lle altre marie e andauan per la terra pianzando, e criando, cerchando e sospirando oyme dolenta mi, chi auereiua uisto lo mio fijor e spessa fia caiua, e spessa fia si se leuaua como quella chi aueiua lo cor, e lo uigor pe[r]duo per li graindi sospiri, e per li lamenti che ella faxea.