Berio m.r. II 1.6/O pascio/8
| ←7 | Berio m.r. II 1.6 - O pascio Como Christe se partì cun li söi discipuli e si ze allo fiume Cedron, e poi si ze a monte Oliveto a pregar a so Paire. |
9→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando lo segnor aue compio queste parole, ello si se parti de la caxa cun tuti li soi discipoli, essendo za note schura, e uegne a uno fiume picenin, lo quar aueiua nomen torrens cedron, e passa d otra lo fiume cun la soa compagnia, e uegne son lo monte oliueto, e de tuti li soi discipoli si ne preixe soramenti trei, e questi si fom, sam piero, san Iacomo, e san zoane, e si lli mena conseigo e denanti da quelli christe si incomenza a doreise monto, e a contristarse, e disse cossi trista e la mia uita fin alla morte. Voi trei disse lo segnor si romarei chi, e uegiai, e orai. Et lantor lo segnor si se parti da quelli, e incomenza a considerar, e a contemplar le peine, e la crudelissima morte chi se aprosimaua, e la soa santissima carne incomenza a tremar per lo grande spauentamento, e preixe christe a pregar lo so paire, e a dir, O docissimo paire me celestial, e te priego caramenti che tu debi trouar altra uia se te par, azoche no beiua questo carexo si amaro. Ma tuta uia dolce paire sea faito alla toa uoluntai. Et quando christe aue orao, si retorna alli soi discipoli, e si lli troua che elli dormiua fortementi, e christe si lli desuegia, e si lli disse, per che sei uoi cossi tosto adormentai, non poei uoi una hora uegiar. Et quando christe li aue desuegiai, ello retorna anchora a orar, e ssi disse quelle mesme parole che ello aueiua dicte auanti, e ancora christe si retorna alli discipoli & si lli troua che ancor elli si dormiuan. Et lo segnor li desuegia, e ssi li disse, Se uoi non poei uegiar per mi, aromen uegiai per uoi azo che uoi non intrai in temptacion, che lo demonio si e monto solicito de tentar l anima de li homini e si lle mesiha conio se mesihia lo gran in lo seazo. Et apresso queste parole christe retorna la terza fia alla oracion cun grande affliccion. Et ancora disse, o paire me celestial e sso ben che ogni cossa, si e possibile a ti, et inperzo che questo charexo tu non me lo faci beiuer, ma tuta fia sia faito alla toa uoluntai, e non la mea. Et quando christe aue compio questa oracion si gi uegne una grandissima tremaxon e gran despauentamento, che per nissuna cossa la carne non consentiua alla morte. Ma lo spirito, e la raxon si consentiua senza contradir, e de questo si nasse in christe una si grande batagia, zoe inter l anima, e la carne, che ello si [ge] uegne uno sudor de sangue dalla testa fin alli pei lo quar stizaua fin in terra. Et lantora si deseixe lo angello da ciel mandao dallo paire, e si llo comforta.