Berio m.r. II 1.6/O pascio/24

←23

Berio m.r. II 1.6 - O pascio Como Christe fo crucificao cun doi lairoin, l'un dalla parte drita e l'altro dalla parte senestra.

25→

transcriçion do Pierenea Goarnê za pubricâ into Giornale Ligustico XX do 1893
tra parentexi quaddre s'azonze e tra parentexi rionde s'esponze, in corscivo e ligatue

Como christe fo crucificao cun doi lairoin, l un dalla parte drita e l altro dalla parte senestra.

Quando elli auen partio le uestimente de christe, segondo che e o dito, si preixen christe, e si llo desteixen son la croxe, e primeramenti si preixen uno aguo monto grande, chi era monto aguzo in la pointa, e ssi ihauan l una man, apresso si ne preixe uno altro aguo semegeiue de l altro per ihauarlo a l altra man, ma lo pertuxo della croxe era pertuxao si lonzi l uno da l altro che le brace de lo segnor si no eran cossi longe che le main de christe non poeiuan azonzer. Et uegando zo li ministri de pillato si preixen una corda, e si ligan la man de christe, e tiran tanto, che elli gi desteixen si le soe brace, che l altra man uegne tanto auanti como era lo luogo donde si deueiua ihiauar l’altro aguo. Quando ello aue tute doe le main ihiauai son la croxe, li soi pei si no atanzeiuan cossi in zu como elli uoreiuan e lantora si preixen l altra corda e si la ligan e si tiran tanto a basso como elli uossen, e poa si auen uno aguo sollo, e si gi ihiauan tuti doi li pei, si che lo corpo de lo segnor si era in la croxe piu tirao, che non e cossi tirao lo drapo allo tirao, et ello era aconzo in tal mainera, che le soe santissime coste se poeiuan tute nomera, et le soe main eran si stirai, e strazai che elle pareiuan tute le nerue, e tute queste cosse aue ben dito dauid propheta in persona de christe, zoe elli m an ihaiuao le main e li pei, e nomerao tute le mie osse. Quando elli auen cossi aconzo christe como e o dito, elli si preixen doi lairoin chi deueiuan morir per omicidio, e si li ligan su la croxe, e ssi missen l un layron da una banda, e l altro da l altra banda, e christe si staua in mezo de doi layroin a zo che fosse compia la prophecia che dixe Et cum iniquis deputatus sum. Et stagando lo segnor a questa peina cossi grande, e uegando lo grande oprobrio che ello sostegneiua e lla grande crudelitai che elli faxeiuan, Lantora christe si leua li ogij inuer lo cel, et cun grande humilitae si parla, e disse allo so paire, O paire celestial, perdona a quelli che elli no san zo che elli fan. Et questa si fo la primera parola che lo nostro segnor disse sun la croxe, inpero che ello uoreiua compir lo testamento che ello aueiua incomenzao [.] aueiua za lassao alli apostoli la paxe e la caritae, alli zue lo so corpo, e aora a questa parola primera che ello disse son la croxe ello si priega per li pecchaoi. O peccaor non te lassar leuar la toa hereditai che lo to paire t a lassao, e sapiai per certo, che de questa hereditae piu ne uo dar a questi chi son piu peccaoi, che ello non uo dar alli picenin. fazamosse doncha noi peccaoi de bona uoruntae, che se noi fossemo mille tanta piu peccaoi che noi no semo, ell e piu la soa mixericordia che non n e la nostra iniquitae. Quando christe aue dicto la primera parolla son la croxe cossi pietoxa como e o dito de soura, quelli maruaxi zuei si llo biastemauan e si ge dixeiuan, o Rei e segnor de israel, et de li zue, ben possi tu star, como stai tu, aora e tu ben pagao. Non dixeiui tu eri figior de dee. Or descendi zuxa della croxe, e noi tuti si creremo in ti. Quando uno delli layroin qui era son la croxe da l una banda odi le parole chi eran dite a christe si ge disen ancora per derixion, Se tu e christe figior de de uiuo, perche non salui tu ti mesmo e noi. Ma e creo ben disse uno de quelli layri a christe che tu si e peccaor, e uno barate como noi, e lantora christe non gi respoxe niente. Quando lo altro layro aue inteixo lo so compagno biastemar christe [,] ello aue grande dolor della inzuria che aueiua dicto a christe, e si gi respoxe monto forte digando, o mixero, non ai tu cognossimento, de zo che tu di a questo iusto homo, lo quar mor senza corpa, ni caxon, e sai ben che mi, e ti semo degni de questa morte, ma questo zamai si non fe peccao. Et quando ello aue dicte queste parole si se uoze inuer lo segno, e ssi gi disse cun humilitae, Segnor aregordate de mi, quando tu serai a lo to regno, e lo segnor si gi respoxe incontenente, e ssi lo scripse in lo so testamento, digando anchoi tu serai comeigo in paraixo. O peccaor timido, che ai penser de andar a christe non te spauenta, ma confortate, e abi speranza, e pensa infra ti mesmo se christe non uo la morte delli peccaoi, non uei tu como l altro layron si lo biastemaua, e christe si non ge respoxe niente, aspeitando che ello se pentisse, perche non disse cossi allo primer lairon chi lo biastemaua tu si serai anchoi in lo inferno como ello disse allo segondo layron tu serai anchoi in paraixo, certo non lo fe per altro noma che ello se penta demente che ello e uiuo.