Berio m.r. II 1.6/O pascio/25
| ←24 | Berio m.r. II 1.6 - O pascio Como la Vergene Maria vegando Christe so Figio son la croxe, ella si fe grandissimi lamenti et Christe si lla arecomandà a san Zoane. |
26→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando lo segnor aue inpromisso lo paraixo allo bon layron, la uergene maria si fe grandissimi pianti stagando ape de la croxe, e za lo figio non aueiua peina alcuna che la maire non auesse a l anima soa. quando ella aue za odio per doa fia la uoxe de lo so figio, si como ello si lassaua alli peccaoi misericordia, e allo layro uita eterna, e za quasi tuto lo sangue era spainto, lantora la uergem maria incomenza a parlar allo so figior, segondo che ella poeiua digando o doce figior ai tu cossi abandonao la toa dolenta maire, tu ai quaxi compio tuto lo to testamento, e la toa maire si non gi uo parlar, o figior perche me sei cossi indurao, za perche non me respondi. Et lantora lo segnor cun lagreme si respoxe alla soa maire digando, O docissima maire non far cotar pianto, inperzo che tu me dai maor peina per lo to pianzer che non fa la mea passion, o maire non uoi tu che (che) faza zo che lo mio paire uol non sai tu ben che e don resuscitar. echa chi lo to parente zoane, e questo sea lo to figior. apreso a queste parole lo segnor si ihiama a san zoane, e ssi gi disse figior zoane, questa sia la toa maire, e si te la recomando, o reina de lo ciel, e della terra [,] maire de tuti li angeli che cambio fo questo, che tu feisti, che per lo maistro de la [sa]piencia, si t e romaxo lo figior de zebedei, o uergene precioxa, ogni homo fo contento de lo testamento de lo to fijor et continuamenti alli apostori si dona la paxe, alli zue lo so corpo, allo layro uita eterna, e la dolenta maire, como fosti contenta de cambiar ti per prender uno homo morto.