Ro Chittarrin/Ro paddre Fabriçio Giano à Steva de Franchi
| ←Publicandose ro combattimento intaggiao in rammo dro M. Capitan Domenego Castellin | Ro Chittarrin, o sæ strofoggi dra muza de Ro paddre Fabriçio Giano à Steva de Franchi |
Risposta de Steva de Franchi à ro paddre Fabriçio Giano→ |
FABRIÇIO GIANO
À STEVA DE FRANCHI.
Steva, o no ghe stà ben sciù ro barcon,
Comme un povero scciavo incadenao,
Ro Pappagallo fin, che t'ha mandao
Capitan Castellin, per fâte un don.
Dagghe così in scappâ quarche leçion,
Ti che d'Apollo ti ê compâ zurao;
E quando quattro versi o l'ha imparao,
Lascia pù ch'o scorratte ogni canton.
Méttiro in libertæ; ma non per questo,
Ch'o te fuzze de caza aggi sospetto;
Che ti ghe guagneræ un quinto e un sesto.
À re Indie o canterà ro tò Sonetto,
E con millanta Pappagalli presto
À Zena de retorno te o prometto.