Ro Chittarrin/Publicandose ro combattimento intaggiao in rammo dro M. Capitan Domenego Castellin

by Steva de Franchi

←Per un bellissimo pappagallo regalao all'aotô da ro M. Capitan Domenego Castellin

Ro Chittarrin, o sæ strofoggi dra muza de Steva de Franchi Publicandose ro combattimento intaggiao in rammo dro M. Capitan Domenego Castellin

Ro paddre Fabriçio Giano à Steva de Franchi→

PUBLICANDOSE RO COMBATTIMENTO

Intaggiao in rammo dro M. Capitan
DOMENEGO CASTELLIN.
SONETTO.

Gran Castellin, che dri Corsæ spavento
Sei, quando in mâ tegnî l'arme à ra man,
Queste in rammo intaggæ righe saran
À ri posteri eterno monumento.

Onde per corso d'anni çento e çento,
Terrô dri Algerin non cesseran
De ciamâve i Zeneixi, e ri lontan
Da noî, in mençunando quello cuento.

Drîto sorve de Voî non avrà Morte:
Vivo sarei à ra futura istoria:
Vivo ro vostro braçço invitto e forte.

Voî scîu re are dra Fama in mâ de gloria
Hei navegao: ve son serræ re porte
Dro sciumme chi deslengua ra memoria.