Ro Chittarrin/L'Arba non se vè moæ da ro Levante
| ←Me fà scciuppâ de rie quello sebrucco | Ro Chittarrin, o sæ strofoggi dra muza de L'Arba non se vè moæ da ro Levante |
Conseggia ro tò cœu con quella sciô→ |
L'Arba non se vè moæ da ro Levante
Spontâ, bella Minetta, ò pù ro Sô,
Che scciavo mi no sæ dro mê dorô,
Angharezzao[sic] da tante peñe e tante.
E quando o torna pœu à ro Mâ d'Atlante,
Per portâ à l'atro mondo ro cærô,
Ro mæsmo cruo amárego e bruxô
Me se cianta à ro cœu fermo e costante.
Ma con ti chi pœu mai cangiâ fortuña?
Non ghe sarà zœu moæ moddo ni verso,
Per corso d'anni, ò per cangiâ de luña.
Mi no te trœuvo indrîto ni reverso:
Bœutto ro zœugo à muggio; a l'è tutt'uña.
Me daggo per reposto, ançi per perso.