Ro Chittarrin/Me fà scciuppâ de rie quello sebrucco
| ←L'è un çerto lême Amô, non sò da chi | Ro Chittarrin, o sæ strofoggi dra muza de Me fà scciuppâ de rie quello sebrucco |
L'Arba non se vè moæ da ro Levante→ |
Me fà scciuppâ de rie quello sebrucco,
Che ogni giorno per fâme un schincamôro
Passa redeno e duro, e ten ro môro,
Ch'o me pâ giusto un mascaron de stucco.
Comâ, sei de chi parlo: dro Sciô Lucco,
Dro quæ me piggio spaçio e me demôro.
Tutt'ommo dixe, con chi ne discôro,
Che l'è un testa de xanni, un mammalucco.
Meschin, ælo taggiao de boña meña!
Mi me crao ch'o se cræ, che segge matta
À piggiâme per lê fastidio o peña.
Un dì ò l'âtro ro mando in sciù uña ciatta;
Ò là à ro Castellaçço à ra sereña,
Non solo lê, ma tutta ra sò scciatta.