Ro Chittarrin/Controrisposta a Roberto Curlo

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
A ro degnissimo signor Roberto Curlo - controrisposta


[p. 92 modifica]

À RO DEGNISSIMO SIGNOR
ROBERTO CURLO
Controrisposta.

SONETTO.


Signor Roberto, e donde hei mai pescao
Quella risposta così ben zittâ?
Che, appeña che l'ho vista, l'ho baxâ,
E me tegno ciù bon che Sê l'Abao.

Fin à ri sette çê voî m'hei portao;
Ma sò ben mi fin donde pœu pontâ
Ro mê tiro, e à cópella o non pœu stâ
Con voî, che sei poeta in primmo grao.

Per demôra sti versi voî ri fæ,
Che dre Muze sei l'arbitro e patron,
Ni mai re træte son per voî serræ.

E da questo ne ven in concruxon,
Che de mi, dro Cavallo v'imbrignæ,
E gnaousciúo dî dro Tasso e de Nason.