Ro Chittarrin/Risposta de Roberto Curlo
| ←A ro signor Roberto Curlo | Ro Chittarrin, o sæ strofoggi dra muza de Risposta de Roberto Curlo |
A ro degnissimo signor Roberto Curlo - controrisposta→ |
DE ROBERTO CURLO
SONETTO.
Se avesse come voî, Steva, imparao
Toccâ con man sì lesta e delicâ
Ra çittara Zeneize, e reçitâ
Versi da fâ che ognun reste incantao,
Pórreiva allora stâve da ro lao,
E sciù re stelle ve vorræ portâ.
Ma non me posso, comme voî, vantâ,
Che Cavallo à ro mondo sæ tornao.
Ro Çê ve guarde da re messoiræ
De quella végia, che non ha raxon,
E ve conserve per l'eternitæ.
Così porremmo dî sença passion,
In faccia à forestê con veritæ,
Che Zena ha ancora lê ro sò Maron.