 |
Questa pagina a no l'è stæta corretta. | |
À RO DEGNISSIMO SIGNOR
ROBERTO CURLO
Controrisposta.
Signor Roberto, e donde hei mai pescao
Quella risposta così ben zittâ?
Che, appeña che l'ho vista, l'ho baxâ,
E me tegno ciù bon che Sê l'Abao.
Fin à ri sette çê voî m'hei portao;
Ma sò ben mi fin donde pœu pontâ
Ro mê tiro, e à cópella o non pœu stâ
Con voî, che sei poeta in primmo grao.
Per demôra sti versi voî ri fæ,
Che dre Muze sei l'arbitro e patron,
Ni mai re træte son per voî serræ.
E da questo ne ven in concruxon,
Che de mi, dro Cavallo v'imbrignæ,
E gnaousciúo dî dro Tasso e de Nason.
