 |
Questa pagina a no l'è stæta corretta. | |
ROBERTO CURLO.
Signor Steva, ve son molto obbligao
De sentîme da voî tanto laodâ.
Ma se andæ de sto pê, me fæ scciuppâ:
Mi non ne posso ciù, son desperao.
Voî, che ro primmo vanto avei portao
Dro Parnasso Zeneize, hei bello fâ.
Ma mi, se à sta manera ho da cantâ,
Posso andâ dro Bezagno in sciù ro prao.
Mi non gh'ho l'uzo, ma voî ghe tettæ:
Mi vaddo ciancianin, voî de galoppo:
Voî n'hei poîra de cazze, e galoppæ.
E ro Cavallo, sença adulaçion,
(Posso zurâ sciù ra conscença mæ)
Deventa un aze in vostro paragon.
