Rimme taggiasche/Risposta fatta alla prima lettera
| ←Lettera di Nofaste Sorsi | Risposta fatta alla prima lettera. de |
Risposta fatta alla seconda lettera.→ |
| eddito da E.G. Parodi e G. Rossi into Gior. Stor. Lett. da Lig. - IV, 1903. ↑torna a-a lista di atri scriti |
II. Risposta fatta alla prima lettera.
Voi; che no ve piaixe Aigua dro Beo,
Ni manco dro Bracchi, ni dra Fontana
Dro Roglio, de Benaia, ò dra Sorvana,
Ni quella dro Pozuò, ni dro Liccheo,
Ni quella fresca de Giancolareo,
Ni manco ve piaxe andà à rà chiana,
Co ro battaglio grosso dra Campana
Mi ve voglio inzuccà com’un Craveo.
Ch’Aigua (dimero un pò) vorrexi voi?
Quella dra Giaira de Firenza, ò pù
Drò Tevere, ch è la veixin à Roma?
Mai no viei Messei cucurucù,
Che storbora è così st’Aigua, ch’addoma
Tutti; e quella ( i) vegnì fa ri doroi?
O com’i sei menchioi.
Sacchiei, ch’à chi n’è nao in quei paesi
Ghe fà crià lanterne, e lumi appesi, (2)
E ri fà stà destesi.
Mi, quanto à mi, mi no ne vuoglio beve,
Ch’à me farea bruxà chiù [che] ro pene, (3)
E così ogn’un fà deve.
Ma voi, ch’i sei insciai d’ambition,
I vorrei beve zò, che no v’è buon; (4)
No starei mai in ton,
Che no gh’è pezo com’à varia
Tutto ro dì ro beve, e ro mangià. (5)
Corpo de Montemà, (6)
I no viei (à ro vuoglio pù dì)
Che tutti à ve fa stà descolorì
E pagliei reperì.
Ma ve ro meritai, lerfe de cù. (7)
Lasciai l’Aigua de l’Arno, e drò Perù,
E dro Tevere pù,
E re vostre Taggiasche apprexiai
Che fan fà grosse zucche in zù à ri Prai. (8)
Se nò tanti parlai
Conosce ve faran per gente doggia
Ch’i staghe un pò in Terrazza, un pò in ra loggia.
De chiù con carche agoggia
Ve ponzeran ra lengua, e ve diran
Chiù pezo ch’i no dixe à Barraban,
E ve stropieran
S’i ve mette à derrè Gianchina Porra,
Zezzeria, ro Mottina, e ra mè Borra, (9)
Non ghe serà zà morra
Ma mostazzi , e mascae d’un cantà l’una
S’ò ghe s’azonze (10) e sì ra Pampaluna,
Mariora ra Bruna,
Manuò Pavona, ch’i pà una saetta,
E ra Perrotta, e Madan Savolietta,
E de chiù ra Gnaugnetta
Ch’è in colera con voi de veglio assai,
Perch’i fossi allantò si accoventai,
Ch’i mettessi otto pai
A faghe dro pancotto à ro Marìo,
Una seira, che l’eira amarotìo. (1)
Si ben la v’hà sboìo,
De chiù ve sboiran d’accordio quando
I saveran, che voi stai raixonando,
Per nò dì mormoirando
Che ro parlà Taggiasco così bello
V’imbarlugha ra testa, e ro cervello
Chiù che ro moscatello.
A ra fè nò, ch’o n’imbarluga mi,
Mi son Taggiasco, e ro voglio morì. (2)
Che me poeivo dì?
Ch’à digo Paire, Maire, Frai, e Suò,
Vincè, Domè, Lorè, Zane, e Manuò?
Mangio in tro me pairuò,
Ni fazzo come voi, ch’havei ra gora
(E un dì ve vuò caccià tutti in malhora)
Larga com’una mora.
Vorrei parlà (mi me ne rio pù)
Con ceceri, e faggiolli, anco per più,
Daimene si no cù, (3)
I no viei, ch’i no parlai Roman,
Ni Taggiasco, Zenese, ne Toscan;
Ma parlai da Quanquan.
Mi hò ben sentio dì che chi se veste
Drà robba d’aotri presto se desveste;
De gratia notai este.
Savei zò ch’una vouta dixe chiairo
Messè Pouro Foglietta huomo sì rairo?
Ma de gratia notairo,
Chi con ra lengua d'aotri vuò parlà
S’assemeglia à una Donna inspirità. (4)