Rime diverse in lingua genovese/Tanto ama ogn'un ri loeghi naturè

by Poro Foggetta

←Ra gora, pompa, e i otiose chiume

Rime diverse in lingua genovese de Poro Foggetta Tanto ama ogn'un ri loeghi naturè

A messè Angero Saoli Strè→

da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige

Tanto ama ogn'un ri loeghi naturè
Che chie* nassuo, à Borzori, o à Bargaggi,
Se cre ch'esti so pichieni villaggi
Sen chiu cha Roma degne, e gran Cittè.

5E spesso per deffende loeghi tè,
Combattan, notte, e dì con gren coraggi,
E in fin, se ben nassesan dentre staggi,
Citte ghe poeran belle, e perfumè.

E Zena chie* unna terra principà
10D'Italia, ch'e dro mondo ro giardin,
Pà che à noi spuzze, se ben le* sioria.

Che perde ra cerchemo tutt' via*
Contra l'uso, e costume Naturà;
Ma meschin noi, se ra perdemo infin.