Rime diverse in lingua genovese/Ra gora, pompa, e i otiose chiume

by Poro Foggetta

←Mi i homi de vint'agni zà vist'hò

Rime diverse in lingua genovese de Poro Foggetta Ra gora, pompa, e i otiose chiume

Tanto ama ogn'un ri loeghi naturè→

da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige

Ra gora, pompa, e i otiose chiume
E sempre, anda* su l'amorosa vitta,
E fa dra Ninfa, e fa dra bella vitta
E no vorei cagà chiu senza lume.

5Ro Zugà giorno, e notte per costume
Ra superbia matesca chi desvitta
L'haveise l'un, e l'altro in ira e in gritta
L'esse orbi, e presumi* d'havei gran lume.

Ro lassa* nuo ro comun meschin
10E noi vestise d'oro tutta via,
E pareise de sangoe crestallin.

L'havei lassiao ra drita mercantia,
E à cangi anda derre* seira, e mattin
Aura han da Zena ogni virtù bandia.