Rime diverse in lingua genovese/Sentì me pà ra fora de bestento
| ←Dond'è l'honò dri nostri antighi, e groria? | Rime diverse in lingua genovese de Sentì me pà ra fora de bestento |
Se no fosse oura l'unica Venexa→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Sentì me pà ra fora de bestento
S'in Corsega sodè mandà voggiemo,
Perche garie da porrari* n'hemo,
E mandari con nave hemo gran stento.
5E bezogna aspetà gh'haggian bon vento
Si che de rero à tempo ri mandemo,
E ra paga mangiaghe in derno femo
Si dan dentri corsè re nave drento.
E se puri* mandemo sun garie
10Perche son pochi da ri leri in corso,
Ne son piggie* come re nave assie.
Che son com'unna fava in bocca à l'orso.
Armane donca assè ne conven chie,
Che à ra Corsega da porran soccorso.
15E sarà bon discorso;
Che si ben corsè, e chen castigheremo;
Che lascià sta da i atri se faremo.
Si che armane assè demo;
O no metteghe man, che doe, o trè,
20Nostre no resteran, ma dri corsè.
O ne saran becche;*
Da quarch'un'atro chi ha chiu longo becco,
E con vergoegna resteremo in secco.