Rime diverse in lingua genovese/Quando de scuoggio in scuoggio va Maitinna

Da Wikivivàgna
Sata a-a navegassion Sata a-a serchia
Rime diverse in lingua genovese de Poro Foggetta
Quando de scuoggio in scuoggio va Maitinna
da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige
[p. 67 modifica]

Quando de scuoggio in scuoggio va Maitinna,
Accogiando patelle, gritte, e zin,
L'egua deven crestallo puro, e fin;
E de sarà ven doce ra Marinna.

5E l'aregha, e l'arena e l'herbettinna
Deven d'oro smerado e de rubin,
E ri Pessi d'arinto brillarin
E Nettun senza in testa se gh'inchinna.

E ro Sò per nò cuoexera s'asconde
10Ma ne fà lume in cangio ro sò viso,
Ro vento treppa i[n]tre so trezze bronde

Ma no treppo zà mi, perchè m'aviso
Che se a se vè si bella dentre i onde,
Che a no ame sarvo le como Narciso.