Rime diverse in lingua genovese/Se re porte dre veggie son serrè

Da Wikivivàgna
Sata a-a navegassion Sata a-a serchia
Rime diverse in lingua genovese de Poro Foggetta
Se re porte dre veggie son serrè
da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige
questo sonetto o l'è stæto eliminao da-i ediçuin sucescive
[p. 66 modifica]

Se re porte dre veggie son serrè
Queste Cappette e strannij Crestè
Per intraghe appontellan gambe e pè
E spointan si che gh'intran votte assè,

5E como gh'intra un solo d'esti tè
Gh'intrà* ro resto chi ghe va derrè.
E dentra veggia stan si vorentè
Che se n'essan chianzando sempre moè.

E se pù da ra porta intra* no pon
10Tiran de priè quarche ressaggia,*
E rompan l'oggio rando dro barcon.

Si che è megio ra porta sbarrassà
Tanto chiu che per poco ro garzon
Da ro portello in cà ri lassia intrà.


15Como intra veggia intrè ri foenti son
Un derrè l'altro*, spointan de tà menna,
Che fan crià chi è tenero de schenna
Perche stan streitti inseme quanto pon,

E un caze adosso a l'atro a cavalon
20E ro sangue a quarch'un spesso s'avenna,
Si, che ra veggia innanzi, e dapoe cenna
A cassafasso, và sorronborron.

Ni pri foenti re Donne pon ballà

[p. 67 modifica]

Che per esse bizzarri, e repentin
Fan costion zughando a spointeirora,

25E mennan si dro stocco che tran fuora
Che in veghia va ro sangue per canà
Si, che ra festa guastan, su ra fin.