Rime diverse in lingua genovese/Donna chi sei de l'etè nostra honò
| ←Fra re chiu brutte, e vergognose usanze | Rime diverse in lingua genovese de Donna chi sei de l'etè nostra honò |
A ro segnô Gian Pero Crollalança→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
Donna chi sei de l'etè nostra honò
Tà che de gentilezza, e cortesia
3Tra quente a Zena sen porte* ra sciò.
Vui con ra vostra chiera savoria
Poressi a un desperou da refrigerio
6E un'homo rallegrà quando s'astria.
Saressi a parei me degna d'imperio
Se come bella sei fuissi pietosa
9Verso chi de servive hà desiderio.
Ro mondo non harè chiù bella cosa
De vui certo ve zuro in veritè
12Se fuissi a chi ve serve gratiosa.
Mi so ben che tra quenti inamorè
Sen steti d'un gran pezzo in fina chie
15Chiù fidè, chiù costanti, e chiù lee.
No son da mette a parangon con mie
Perche anchuo di ri pari me son tenti
18Che puoeran numerasse in sù re die.
No me vuoegio avantà como ri foenti
Fan spesso, ni men fà l'achoventou
21Che à vui digo ro vero ingenuamenti.
Sò ben che vui direi che m'hei provou
Un tempo, e che no son quello che digo
24E che v'ho dro parei vostro inganou
Di piu* che mi no ve sarò inemigo
Per questo e dinne chiù se ve* savei
27Che no ve stimo unna petacha, o un figo.
Son homo chi m'attacho a ro devei
Ni m'astizzo se ben m'è dito in chiera
30Cosa c'haggie za dito e che a sea vei.
Confesso e* vei che za fò tempo ch'era
Servitò vostro, e si de cuoe v'amava
33Che per vui ogn'atra Donna in odio m'era.
E so che quanto chiù mi m'inzegnava
De dave in ogni cosa compimento
36Massime in zò che chiù ve delettava.
Tanto vui chiù de dame ogn'hò tormento
Goeivi, onde mi quasi desperou
39L'anthò fei de lassave pensamento.
Ma (si dighe*) che cosa m'e zovou
Se trei meisi no l'hò possua indurà
42Cosi* vui m'havei guasto e affueiturou.
Donca haggie* compasson dro me gran mà
Che cosi* come v'amo e* ben rason
45Che con tant'atro amò m'haggie* a pagà.
No vuoeggie* Donna ingrata esse caxon
Che vive in chiento mi chi sempre vuoegio
48Servive in vita, e dapoè mortè* ancon.
Chiù no me pentirò, ma ben vuoeggio
Pregà che tusto v' desmenteghe*
51Ni moe* zò ch'è passaou me butte* in oggio,
Ve prego donca che me comande*
Zò che ve chiaxe che stravorentera
54Mi ve compiaxerò se me prove.*
Ma vui mostreve un pco* men crudera
Azò che come bella haggie* ancon vanto
57In iovere* pietose esse primera,
Questo è madonna tutto quello, e quanto
Mi ve requero, e se ro fè ve zuro
60Che no ve metterò zà moe* da canto
Perche a dive ro voi* l'ha troppo duro
Osso da rosiggià, ben badamenti
63Chi serve a donna crua con cuoe non puro.
Attendemo noi donca a sta contenti
Sempre allegri, e in sorazzo, che'l è* honesto
66Ch'ogn'un fuzze a sò poei travagi, e stenti.
E però fazo chi ra fin de questo
Me di, per no tegnive chiù a desaxo,
69Sarveme in gratia vostra che son lesto,
Per obedive in qua se vuoggie caxo.