Rime diverse in lengua zeneise/Se per mostrá ra so possanza Dé
| ←A ro segnó Zane Maria Bava | Rime diverse in lengua zeneise de Se per mostrá ra so possanza Dé |
Quando de scuoeggio in scuoeggio va moitinna→ |
| acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica za pubricao da-o Zabata inta Nuova selva di varie cose piacevoli do 1570 (Steva Verdin, Tasso genovese, La Berio, 1996) |
Se per mostrá ra so possanza Dé
Dre bellezze dro Cé schiumà ra sció
E voi ne fé con si divin sprendó
Ch'in terra ne mostré ro ben dro Cé.
Perchè seivo de cuo tanto crudé
Che inanti seira n'ascondei ro só,
Anzi croví dro Cé tutto l'honó
D'un chiumasetto ingiurioso e ré.
E a l'orbetto zughemo tutti noi
E a taston van re gente tutte quente
Senza ro lume che n'ascondei vui.
Ma ben me maraveggio che si rente
Non bruxe ro chiumazzo con doi soi
Che da ra lonzi bruxan tanta gente.