Rime diverse in lengua zeneise/Quando de scuoeggio in scuoeggio va moitinna

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
Quando de scuoeggio in scuoeggio va moitinna
acento grave = vocale curta - acento aguçço = vocale longa
clicca o nummero da paggina pe 'n rafronto co-a transcriçion diplomattica
[p. 3v modifica]

Quando de scuoeggio in scuoegio va moitinna,[sic]
Accogiando patelle e grite, e zin,
L'egua deven crestallo puro, e fin;
E de sará ven doce ra marinna.

E l'áregha, e l'arenna e l'erbettinna
Deven d'oro, e smerado, e de rubin,

[p. 4r modifica]

E ri pessi d'arinto brillarin
E Nettun senza in testa se gh'inchinna.

E ro Só per no cuoexera s'asconde
Ma ghe fa lume in cangio ro sò viso,
Ro vento treppa in tre suoe trezze bronde

Ma no treppo zà mi, perchè m'aviso
Che s'a se vè si bella dentro a i onde,
Che a no ame sarvo lé come Narcizo.