Riçette/A çimma pinn-a
< Riçette
| ←I raviêu | Riçette de A çimma pinn-a |
O cappon magro→ |
Boggi e tritolla, ma non troppo fin
Do magro de vitella, do lacetto,
mëzo çervello. Sbatti in tè ’n tiänin
sei êuve fresche, gràttighe ûn tocchetto
de parmixan, azzonzi puïsci e infin
remescia, chêuxi e versa in te’ n sacchetto
de scorsa de vitella con l’oëxin
serròu e ben cûxïo con do spaghetto.
Doppo circa ûn pâ d’öe ch’a l’ha boggiö,
mettila in pressa e, frèida, finn-a finn-a
tàggila a fette e mèttighe all’ingïo
due brocche de porsemmo e gelatinn-a.
Ed ecco pronto in ta töa ed applaudïo
ô re di piatti frèidi, a çimma pinn-a!