Riçette/I raviêu
< Riçette
| ←E tròffie | Riçette de I raviêu |
A çimma pinn-a→ |
Fanni ûn bon pin co' a solita riçetta
con boraxe boggïa e tritolâ
Remescia, chêuxi e stendi 'sta pastetta
fra due sfêugge de pasta ben tïâ.
Fanne di cuscinetti co' a pansetta
servindote do stampo pe' sciaccâ,
taggili a ûn per ûn con a röètta
e lascili 'n sciâ töa pë sciûgâ.
Poi dagghe ûn boggio e servili in to broddo
o mëgio sciûti con do tocco spesso
e tanto parmixan. Ad ogni moddo
se i raviêu son gûstosi e ben riusci-i[sic]
sacci che ô gran segreto do successo
ô l'è che sèggian tanti e... ben condi-i![sic]