Riçette/O cappon magro

Da Wikivivàgna
Sata a-a navegassion Sata a-a serchia
Riçette de Aldo Acquaron
O cappon magro


O cappon magro

Bagna in te l'ægua e axòu poche gallette
e versa addosso a queste cian cianin
tûtte e verdûe boggïe a tocchi e a fette:
ûn cöu-sciô, de giærave, faxolin,

da scorsonæa, patatte, due çioulette,
carotte, sèllao, fette de sûcchin
e azzonzi, pe' fâ e cose ciù perfette,
anche ûn pescio cappon a tocchettin.

Poi con a salsa verde ô se condisce
con molto êuio e axòu in dose giûsta
e quando ô l'è ben verde, ô se guernisce

con funzi, gàmbai, êuve, anciöe e olive[sic]
e s'ha ûn capolavoro che chi ô gûsta...
s'òu deve ricordâ... finn-a ch'ô vive!