Ra cittara zeneize 1636/Se ben trattando ro mesté dra Guerra

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo A ro Pê Gioxeppe Giustignan

Ballin che de Poeta, e de pescou→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

AL SIG. PIER GIUSEPPE GIUSTINIANO. Se ben trattando ro meste dra Guerra Vivo dentre faccende sotterrou, Signor Piero Cioxeppe[sic], e son forsou A lascia anda re visite per terra; Vuoi, trà quenti Patroin m'hagie à ra terra, Così ben porto dentro cuoe stampou, Che, seben largo, ve son sempre à lou, Pronto à servive in Cappa, e, simiterra. Per fave dunca vei che ve son schiavo; Che vivo, intro daffa torna à derrui Poeta finche schiatte ro Diavo; Ve mando in un pape mille sarui Reservandome à bocca à fa dro bravo, Con sonetti, chi voæran Dexe scui.

DEL SIGNOR PIER GIUSEPPE GIUSTINIANO. RISPOSTA. Un affetto, che dentro me fa guerra, Così me ten ro cuoe assequeirou, Che me pascio de tuoessego, e biou Mi s'andasse in duoi giorni sotteterra. Con tutto questo, se ro canta n'erra, Son da ri vostri Versi affueiturou, Son de lo invriægo, e no me crou Che ghe e un paro vostro in Ce, ò in Terra. Dime, che ve ne prego, come favo A fa Sonetti da ro Cè vegnui? Quando ri componei, cose pensavo? Cavallo, mi a ri vostri neigri sui, Che son ri [i]nchiostri, ra mæ Muza lavo; Chi no ve ammira è Ammigo da stranui.