PIER GIUSEPPE
GIUSTINIANO.
RISPOSTA.
Un affetto, che dentro me fa guerra,
Così me ten ro cuoe assequeirou,
Che me pascio de tuoessego, e biou
Mi s'andasse in duoi giorni sotteterra.
Con tutto questo, se ro canta n'erra,
Son da ri vostri Versi affueiturou,
Son de lo invriægo, e no me crou
Che ghe e un paro vostro in Ce, ò in Terra.
Dime, che ve ne prego, come favo
A fa Sonetti da ro Cè vegnui?
Quando ri componei, cose pensavo?
Cavallo, mi a ri vostri neigri sui,
Che son ri [i]nchiostri, ra mæ Muza lavo;
Chi no ve ammira è Ammigo da stranui.