Ra cittara zeneize 1636/Ballin che de Poeta, e de pescou

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Dro Zane Michê Zoagi

Ballin, se ra tò nobile Maxinna→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR GIO. MICHELE ZOAGLI. Ballin che de Poeta, e de pescou Porti ro vanto sovra quenti moæ De canta, de pesca per questi Moæ Per arte, e per natura han studiou; Se degnamente fæto l'ambasciou Dri pescoei à ro Duxe dra Cittæ, Ti hæ dito cosi ben, e cose tæ, Che ti è chiù che ro Bulla oura stimou; Te prego à dime sotta de qua Lunna, E dentro de qua cara, e de qua scoeggio T'ha fæto si grand'hommo ra Fortunna; Che de pessi non men, che d'orofuoeggio Ra Muza, e ra mæ canna, e si zazunna, Che penso de butta ri ferri à moeggio.

RISPOSTA Se quella, che con cuoe tant'ostinou Zoaggi, sensa savei cos'è pietæ, Gusta in fame purga re mæ pecchæ Per secche, e scoeggi secco, e consumou, Tocca un dì dà remorso de peccou, Se resolvesse ancon, per caritæ, De compatime, ò dame libertæ Per levame da vive desperou. Forsi in voxe manco aspera, e importunna E resona, e rie de megio oeggio S'odiræ queste care à unna à unna; Ma m'accorzo che indærno me despoeggio, Zoaggi in prega ch' n'ha pietæ nissunna. Che per canti à ra fin chienti arrecoeggio.